శ్రామికులం! ప్రేమికులం !: - గుర్రాల లక్ష్మారెడ్డి -సెల్.9491387977. కల్వకుర్తి

నిత్యం శ్రమించు శ్రామికులం మేం

మాదినబత్యం అందించు 

మా జన జీవన ప్రేమికులం మేం

విశ్రమించకుండా శ్రమిస్తుంటాం

రోజూ శ్రమిస్తూ మా మోజు తీర్చుకుంటూ

శ్రమ విభజనను మేం పంచుకుంటూ

మా భవిష్యత్తును మేం తీర్చిదిద్దుకుంటూ

కలసి మెలసి ఉంటాం మేం కాలం తో సాగుకుంటూ !

శ్రమ గీతం పాడుకుంటూ సుఖ జీవనం కోరుకుంటూ

కమ్ముకున్న కారు చీకట్ల నుండి మేం కోలు కుంటూ

మేం ఉంటాం మా సుఖ సౌధాన్ని చేరుకుంటూ

హాయిగాను తీయగాను పాటలే పాడుకుంటూ !

మనమంతా శ్రమిస్తేనే ఔతుంది వృద్ధి అభివృద్ధి

మానవ మనోగమనంలోనూ పురోభివృద్ధి

ఈ వృద్ధి అభివృద్ధి సమృద్ధిగా మనం సరిదిద్ది

విశ్వజనుల ముందు మన శ్రమ గీతం కావొద్దు రద్దీ !

 నీ శ్రమయే సంపదను సృష్టిస్తుంది

నీ రీతిని ఖ్యాతిని ప్రతిష్టింప చేస్తుంది

అందుకే నిరంతరం నీవు శ్రమించు

జాతి సంపద పెంచి అందరికీ పంచు !