వేసవి సెలవుల్లో నేను .. : రమేష్9 వ తరగతి-జిల్లా పరిషత్ ఉన్నత పాఠశాల గ్రామం రేగులపల్లి -మండలం బెజ్జంకి -జిల్లా సిద్దిపేట

  నేను వేసవి సెలవుల మొదటి రోజు 24వ తేదీ నుండి మా గ్రామం రేగులపల్లిలోని ఉన్నాను. టీవీ చూస్తూ, ఆటలు ఆడుతూ కాలక్షేపం చేశాను. తేదీ 26 ,27, 28 తేదీలలో ఎల్లమ్మ జాతర జరిగింది. 29న డిన్నర్ జరిగింది. 30 31వ తేదీన మా అన్న వాళ్ళ ఇంటికి పోయాను. అక్కడి నుండి రెండవ తేదీ స్వర్ణగిరికి వెళ్లాను. అక్కడ దేవాలయం చాలా బాగా ఉంది. రెండవ తేదీన యాదగిరిగుట్టకు వెళ్ళిన అక్కడ లక్ష్మీనరసింహస్వామి దేవాలయం చాలా బాగుంది.ఆ తర్వాత మా అన్న దగ్గర రెండు   వారాలు ఉన్నాను. ఆ తర్వాత మా పిన్ని దగ్గరకు వెళ్లిన అక్కడ మా బాబాయితో కలిసి సేవకు విజయవాడకు వెళ్లాను. అక్కడ కనకదుర్గ అమ్మవారి దగ్గర మనీ కౌంటింగ్ చేశాడు. మా బాబాయ్ నేను మా బాబాయి వెంట అక్కడికి వెళ్లి ఆ కౌంటింగ్ చూస్తూ ఉండిపోయాను.అది అయిపోయాక దర్శనముకు వెళ్లాము. ఆ తర్వాత తిరిగి ఇంటికి వచ్చాము మరుసటి రోజు బాబాయితో కలిసి సిరిసిల్లకు వెళ్లాను అక్కడ బట్టలు షాపింగ్ చేసి అయిపోయిన తర్వాత బిర్యానీ తిని ఇంటికి బయలుదేరాము. ఆ తర్వాత బాయి కాడికి వెళ్లి పొలం దున్ని పెసర్లు అలికి నీళ్లు పారించి  మామిడికాయలు తెంపుకొని ఇంటికి వచ్చాము. వడ్ల దగ్గరికి వెళ్లి పరదాలు మంచిగా ఉన్నాయా లేదా అని చూశాం. మళ్లీ ఒక రోజు కొండగట్టులో కౌంటింగ్ కు వెళ్లాలని అనుకున్నాడు బాబయ్ కానీ కుదరలేదు. ఒక రోజులో వడ్లు పోతాయి అనగా జోర సంచులు తిర్లమర్ల తీయటానికి వెళ్ళినాము.తీసినంక వడ్లు జోకినారు. జోకి లోడింగ్ చేశారు. కొన్ని రోజులు మా చెల్లెలితోపాటు ఆనందంగా గడిపాను మా అన్న వచ్చాడు .మా అన్న వచ్చిన తర్వాత రెండు మూడు రోజులు అక్కడనే ఉండి వేములవాడ శ్రీ రాజరాజేశ్వర స్వామి దేవాలయానికి మా అన్న తాతతో కలిసి వెళ్లాం. కానీ అక్కడ ప్రధాన ఆలయం రాజేశ్వర స్వామి ఆలయం కొత్తగా నిర్మిస్తున్నందున భీమేశ్వర స్వామి ఆలయాన్ని మాత్రం దర్శనం కల్పించారు. అక్కడ గుండు గీయించుకొని గుండంలో స్నానం చేసి దర్శనం లైను కట్టాము. గంటలోనే దర్శనం అయింది .అక్కడ దర్శనం చేసుకుని పక్కనే ఉన్న బద్ది పోచమ్మ అమ్మవారి దగ్గర లైన్ ఎక్కువగా ఉండటం చూసి బయటనే కొబ్బరికాయ కొట్టి టిఫిన్ చేసి ప్రసాదం కు లైన్ కట్టాము. ఒక గంట నిలబడి టికెట్ తీసుకున్న అలాగే పులిహోర రెండు లడ్డూలు తీసుకున్నాము. అక్కడి నుంచి ఇంటికి బయలుదేరి బాబాయి వాళ్ళ ఇంటికి వచ్చాము. అక్కడ రెండు రోజులు ఉండి మా ఇంటికి వచ్చాను.మా అన్న మా ఇంటికి వచ్చాడు. వచ్చినంక ఒకరోజు తర్వాత కోడి తెచ్చుకుని దుర్గమ్మ దగ్గర కోడి కోసి వండి తిన్నాం. మా అన్న రెండు మూడు రోజులు ఉండి వెళ్ళిపోయాడు ఇలా సెలవులు ఆనందంగా గడిచాయి 15వ తేదీ నుండి పాఠశాలలు ప్రారంభమయ్యాయి.