నిలువెత్తు సాక్ష్యం: - - మాణిక్యాలరావు పంచదార్ల

ప్రాకులాటను విడిచేసి,

సంతృప్తిని వెతుక్కుంటూ

పైకి ఎగబాకుతున్న ప్రతి

అడుగులోనూ...

హృదయం అడుగుతుంది.

"తొలి నాటి నిరాశను

 గెలిచావా?" అని!

​స్వార్థంతో ముడివేసుకున్న

కొన్ని భ్రమలను వీడేయడమంటే...

నిజాల అద్దంలో

మనల్ని మనం చూసుకోవడమే!

​ఆశలు రేకెత్తుతూనే ఉంటాయి,

వాటిని సంపూర్ణంగా హద్దుల్లో 

ఉంచలేము.

కానీ, మనసే సూత్రధారిగా

ఆలోచనల్ని పదునుగా ఉంచితే,

విజయం ఎన్నటికీ నీకు దూరం అవ్వదు!