ఆశలు-ఆశయాలు: - జి.లింగేశ్వర శర్మ

పల్లవి

ఆశలు నెరవేరాలీ!

ఆశయాలు తీరాలీ!

అందపు గమ్యం చేరాలీ!

ఆనందాలను పొందాలీ!! 

!ఆశలు!

1.చ.

ఆశల తీరం జేరాలంటే!

ఆశయాలు నెరవేరాలంటే!

ఆత్మస్థైర్యం,విశ్వాసంతో!

అడుగులుముందుకువేయాలీ!

అడ్డంకులనధిరోహించాలీ!

ఆశయ సాధన సమరంలో!

ఆశల సౌధపు సాఫల్యంలో !

ఆశావహులై సాగాలి!!2!!

!ఆశలు!

2.చ.

ఆశలన్ని చిగురించాలంటే!

ఆనందం విరబూయాలంటే!

అడుగులుముందుకువేయాలీ!

అవరోధాల్వైదొలగాలంటే! 

అనితర సాధన కావాలెంతో !

అడుగడుగునతనుమనధనములనూ!

అనునిత్యం వెచ్చించాలీ!

ఆత్మస్థైర్యం పొందాలీ !!2!!

!ఆశలు!

3.చ.

ఆశలన్నియూ తీరిన వేళా! 

అంతా ఘనంగ మెచ్చినవేళా!

ఆనందము విరబూసిన వేళా!

హృదిలోఊయలలూగినవేళా! 

కష్టపు చీకటి తొలగిన వేళా! 

కాంతిప్రభలుగావెలిగిన వేళా! 

ప్రతిహృది పరిమళమందెడు హేలా!

పరమపవిత్రపుప్రభాతవేళా!!

!ఆశలు!