నవనీతం....!! :-యెనుముల వేణుగోపాలరావు,-అమలాపురం,

నాన్న.... నాన్న.... నాన్న ,

ఏ పదము గొప్పది కాదు నీ కన్నా , 

వ్యక్తిత్వంలో అందరూ నీకంటే చిన్న ,

గుణములో ఎన్నటికీ నువ్వే మిన్న !

నీ మనసు నవనీతం ,

నీపేరు తలిస్తేనే మా జన్మ పునీతం ,

నీది స్వార్థము ఎరుగని మనస్తత్వం ,

మా ఎదుగుదల కోసమే శ్రమించే తత్వం !

చేయి పట్టుకొని బడికి నడిపించావు ,

చెడు దారిలో వెళుతుంటే మందలించావు ,

మంచి మాటలు చెప్పి నన్ను సన్మార్గం లో పెట్టావు ,

నా ఎదుగుదల కోసం నిరంతరం చెమట బొట్టు చిందించావు !

బాల్యంలో గుండెలపై తన్నితే ప్రేమతో భరించావు ,

నీ ఆకలి లోపలే దాచుకున్నావు ,

మా ఆకలి తీర్చడం కోసం అహర్నిశలు శ్రమించావు !

మా మీద ప్రేమానంతా గుండెల్లోనే దాచుకున్నావు ,

మా ఎదుగుదల చూసి లోలోనే మురిసి పోయావు,

పండుగ వస్తే మాకు కొత్త బట్టలు కొన్నావు ,

నువ్వు మాత్రం పాతవాటితోనే సాయిపెట్టుకున్నావు ,

మమ్మల్ని ఉన్నతస్థాయిలో చూడాలని నీ జీవితాన్నే ధారపోసావు !

లేదు నాన్నను మించిన దైవం !

నాన్నే మనకు ఒక ధైర్యం !

నాన్నే మన ఆత్మస్థైర్యం !

అసలు నాన్న అంటేనే ఒక భరోసా !!!

                *****