చెట్లు నరకకు: - వరుకోలు లక్ష్మయ్య -తెలుగు భాషోపాధ్యాయులు-ZPHS:బక్రిచెప్యాల-9704865816

ఊరికి కొంత దూరాన 

అడవి ఒకటి ఉండెను 

అడవిలోని చెట్టుపైన 

కాకి గూడు ఉండెను 

గూటిలోన గుడ్లు పెట్టి 

కాగిపొదుగుచుండెను

చెట్లు నరికె మనిషి ఒకడు 

గొడ్డలితో వచ్చెను 

చెట్టు నరుకుచుండ కాకి 

వానినేమో చూచెను 

కాకికపుడు కోపమొచ్చి 

తోటి కాకుల పిలిచెను 

 

ఒక్కసారి కాకి గుంపు 

మనిషినేమొ పొడిచెను 

నొప్పి బాధ తాళలేక

గొడ్డలి పడవేసెను 

ఏమి జరుగుచున్నదని 

చెట్టు పైకి చూసెను 

కాకుల గుంపు ఐక్యంగ

గూడు చుట్టు మూగెను

కొమ్మ పైన కాకి యపుడు 

గుడ్ల పైన పొదిగెను

చెట్టు నరికె మనిషికేమొ

చేసిన తప్పు తెలిసెను 

చెట్లను ఇంకెప్పుడు 

నరకనాని ఒట్టు వేసె

ఇంటి ముఖం పట్టెను 

ఊరంతా తెలిపెను.