కాలమే సర్వస్వం : - అంకాల సోమయ్య -దేవరుప్పుల -జనగామ -9640748497

కాలం కరిగిపోతూనే ఉంటుంది 

నీ ఆశయాలు లక్ష్యాలు సిద్ధించినా సిద్ధించికపోయినా

అలుపెరుగని పోరాటమే

విజయమై

నీ బ్రతుక్కోసార్థకత చేకూరుస్తుంది 

కాలం నిర్లిప్తతంగా

చైతన్యహీనంగా

గడిస్తే

నీలో నిస్సహాయత

పొడచూపుతోంది

ఆశలేమి కాలహరణకు 

అంకురమౌతుంది

జీవితాన్ని దుఃఖభాజనంచేయకు

గడిచిన కాలం వగచినా 

పొందలేవుగా 

గతం ఒక స్వీయ గుణపాఠమే

 

కళ్ళలో తేజస్సు 

ఆశసడలనితనం 

నిరాశలేనివైనం

ఆశవాదికి కాలం సహవాసిగా నిలుస్తుంది 

కాలమోజ్ఞానసింధువు

కాలమంటే అరచేతిలో చూపే వైకుంఠం కాదు 

తలక్రిందులైతే వైకుంఠపాళే

ఊహల్లో ఊరించే

నూతనావిష్కరణలకు

కాలమో గీటురాయి 

కాలమో జ్ఞానభాండాగారం 

కాలము గాలివైపు పరిగెత్తే 

పతంగం కాదు

గాఢాంధకారంలో

జ్ఞానదీపం

జీవితమంటేనే కష్టనష్టాల సమాహారం 

కాలం 

కష్టాలను ఎదుర్కొని 

కాలవినియోగంతో

ముందుకు దూసుకెళ్ళడమే

మీ(మన)ప్రగతికి సోపానం