'పర'వశమైన ప్రకృతి పరవశం: -డా.టి.రాధాకృష్ణమాచార్యులు-9849305871

చెట్లు చేమలతో నిండు నిగారింపే

ఆకుపచ్చ జవరాలు సోయగం

కొండలు గుట్టలతో గుండెల పాకే

అందాలరాశి పల్లె పడుచు నవ్వు

పరవశించే మనసు జానపదం 

మరల మరల పిలిచే రమణీయ కదంబం

గాలికీ వానకూ నేల వాలిన సుందర వనాలు 

కనుల పరవశాన ఊగే ప్రకృతి ప్రకోపం 

మౌనంలో ఊరు ఊయల పాట ముంచెత్తిన సునామీ 

పొద్దుపొద్దున్నే ఆత్మగల కొండలు గుట్టలు

కనుసైగలతో రమ్మనే ప్రియనేస్తం 

గుండెలమోసిన అమ్మే

వెలుగై మౌన మునులు కాచే కొండలు 

ఆశల విషవలయంలో పగిలిన గుండెలు 

పర వశమైన అందాలు సమతల నేలలైపోయె

 

ప్రకృతిగీతం ఆలపించే  రాగమాల 

ఆకృతి అందం కరిగిన నేల 

అదుపుదప్పిన పర్యావరణం కోరల మనిషి పర వశం ...