వాడిపోనిది: - కేశరాజు వేంకట ప్రభాకర్ రావు పాతర్లపాడు ,ఖమ్మం.

 

కల్మషం లేని కాలానికి 
నిలువెత్తు రూపం స్నేహం
కష్టసుఖాల ప్రయాణంలో 
తోడుండే నిజమైన బంధం.
మాటలు దాటని మౌనాన్ని సైతం 
సులువుగా చదివేస్తుంది
కన్నీటి తుఫానులో
 ధైర్యం చెప్పే దీపమై వెలుగుతుంది.
ఆస్తిపాస్తుల కొలతలు 
అసలు ఎరుగనిదీ బంధం
మనసుల కలయికతో ముడిపడిన 
ఓ పవిత్ర గ్రంథం.
తప్పులు చేస్తే అద్దంలా నిలదీసి తూర్పారబడుతుంది
ఒంటరితనపు చీకటిలో 
కొండంత అండగా నిలుస్తుంది.
కాలాలు మారినా, దూరాలు పెరిగినా 
అస్సలు వాడిపోనిది
నిజమైన స్నేహమనే అనుబంధం 
ఎప్పటికీ వీడిపోనిది.
స్నేహితుల దినోత్సవ శుభాకాంక్షలు!