చంద్రకళ.దీకొండకు కెనడా పురస్కారం

తెలుగు సాహిత్యానికి అంతర్జాతీయ వేదికపై మరో అరుదైన గౌరవం దక్కింది.కెనడా నుండి వెలువడే "తెలుగుతల్లి మాసపత్రిక"  
"కెనడా డే" సందర్భంగా నిర్వహించిన అంతర్జాతీయ కవితా పోటీల్లో  హైదరాబాద్ కు చెందిన కవయిత్రి ,   ప్రభుత్వోన్నత  పాఠశాల  ఉపాధ్యాయిని శ్రీమతి చంద్రకళ.దీకొండ  రచించిన "ప్లాస్టిక్ మయ ప్రపంచం" కవితకు గాను విజేతలలో ఒకరిగా నిలిచి,ప్రతిష్ఠాత్మక పురస్కారాన్ని స్వంతం చేసుకున్నారు.ప్రపంచ నలుమూలల నుండి తెలుగు కవులు పాల్గొన్న ఈ పొటీల్లో సాహిత్య విలువలు,సామాజిక బాధ్యతల సమ్మేళనంగా నిలిచిన ఈ కవిత న్యాయనిర్ణేతలను ఆకట్టుకుంది. అంతర్జాతీయ విజయంపై సాహితీమిత్రులు,సహోపాధ్యాయులు మరియు విద్యార్థినీ,విద్యార్థులు హర్షం వ్యక్తం చేసారు.