దేశభక్తి: --డా.రామక‌ కృష్ణమూర్తి--బోయినపల్లి,సికింద్రాబాద్.

 నా దేశం,నా మాతృభూమి

అనే హృదయ నీరాజనం.

ప్రాణత్యాగానికైనా వెనుకాడని

నిజమైన తత్వం.

ఘన వారసత్వం,విజయాలను

మనసారా కీర్తించడం.

త్యాగధనుల,నిస్వార్థ చింతనుల

సందేశాల నిక్షిప్తం.

భరతమాత ఋణం తీర్చుకొనే

కర్తవ్య ముద్రణం.

దేశం కోసం ఏమైనా చేయడానికి నిలబడే ధైర్యం.

ఈ నేల,గాలి,సంస్కృతులపై

అలవిమాలిన‌ అభిమానం.

అభివృద్ధి,సంపదల సృష్టి,

సామరస్యాల ఆచరణం.

మాతృభూమి కన్నా మరోటి లేదను అంకితభావ మనో నిశ్చయం.

దేశము నందు భక్తి కడదేరే వరకు.

తల్లి ఒడి లాంటి అస్తిత్వం.