అమృతవర్షిణి:-మచ్చరాజమౌళిదుబ్బాక. 9059637442

ఉగ్గుపాలతో ఊరడించిన భాష 

అమ్మపాడినట్టి అందమైన భాష

ఆత్మీయతలు పొంగిపొర్లెడి అజంతభాష

ఆదికవులనోట నాట్యమాడిన భాష

మృధు మధురగానమై సుమధుర నాదమై

యతి ప్రాసలతో శృతిచేయు భాష

తేనెలూరు భాష నా తెలుగు భాష 

అలంకార ప్రభలతో అలరారు నా తెలుగు

మమకారము కలిగించే తొలిపలుకు తెలుగు

ఒంపుసొంపులన్ని చేరి వయ్యారమైనట్టు

ఒత్తులన్ని గూడి హత్తుకుని తిరుగాడు

తెలుగు మాట్లాడిచూడు ఒకసారి 

దేహమందు చైతన్యమగు డెబ్బైరెండు నాడులోమారు

వెండి వెన్నెల వెలుగులో పిండారబోసినట్లు

గుండెనిండిన ప్రేమను చెప్పకనే తెలుపు

యాస ఏదైన తెలుగు శ్వాస ఒకటే

ఏ భాష మెఱుపైనా ఏ ధ్యాస మరుపైనా

ఏ తీరుగైన కలుపుకొనిపోవు నా తెలుగువెలుగు