దూరం :---రాజేందర్ జింబో (2.6.2021)

చాలా విషయాలతో దూరమై పొతున్నాం . 

ఎన్నోసార్లు చూస్తూ చదువుకునే ఉత్తరాలు అదృశ్యమైనాయి. 

చేతిరాత అదృశ్యమై పోయింది. 

ఉత్తరాలని చూస్తే ఆ మనిషిని చూసినట్టు అనిపించేది 

ఇప్పుడు అన్ని రాతలు ఒక్కటే 

రోజురోజుకీ 

దగ్గర అయినట్టుగా అన్పిస్తుంది.

కానీ -

దూరాలు పెరుగుతూనే వున్నాయి 

ఈ సాంకేతికత లో 

స్పర్శ లేదేమో 

వుండదేమో -

కాలం ఎన్ని మార్పులను తెస్తుంది ...?

కాదనలేం !! 

వద్దనలేం !!!