ఎన్నెలమ్మ ఎట్టబోతివే..:---డా గాజులనరసింహనాగటూరు గ్రామంకర్నూలు జిల్లా9177071129

పల్లవి:- 

ఎన్నెలమ్మ ఎట్టుపోతివే... నువ్వేలేక  ...

లోకమంత  సీకటాయనే

ఎన్నెలమ్మ  యెట్టపోతివే..నువ్వేలేక

నేను ఒంటిగుండలేనులే ...""2""

పోతేపోని ఏమైనా కానీ లోకం 

నువ్వు నేను ఒక్కటౌదాం

అయితేకానీ ఏమైనా..నువ్వు నేను మరనిద్దాం.. 

అనుకున్నా ఎన్నో నేను కలగన్నా ఎంతో నేను  2

నువ్వేలేక నేడు నేను చిన్నబోతున్నా.....

ఎన్నెలమ్మా.....ఎన్నెలమ్మా.....2 "పల్లవి""

చరణం :- 1

ఏ కారుమబ్బు నిన్ను కమ్మివేసెనో...

ఏ కలనాగు నిన్ను కాటువేసెనో...

కంటతడి అరకున్నది...

కలతబడి మనస్సు  చెదురుతున్నది..2

నువ్వేలేక అడుగు కదలకున్నది..

ఎన్నెలమ్మా...ఎన్నెలమ్మా.....2

దిక్కు దిక్కులన్నీ తిరిగివచ్చినా.. 

రాతిదేవుళ్లకన్నీ ..మొక్కివచ్చినా..నీ జాడే లేదమ్మా..

నూ చెంతలేని క్షణమూ అవుతున్నది ఒకయుగము 

ఎట్టాచేతునే...ఏమి చేతునే...""పల్లవి""

చరణం :- 2

చెప్పుకున్న ఊసులన్నీ... మిగిలిపోయెనే..

కంటినిండా నీ రూపమే నిలిచిపోయేనే..

నిన్నా మొన్నా జ్ఞాపకాలు తట్టి తట్టి తడుముతున్నవే..

నువ్వేలేని  క్షణము  నేనెట్టా ఓర్చుకొందును

గుండెనిండా ఈ బాధనెట్టా దాచుకొందును ..

ఎన్నెలమ్మా... ఎన్నెలమ్మా.....2

కూడోగంజో దిందాము  

చెట్టు నీడనైనా చల్లగుందాము  అని 

అనుకున్నా ఎంతో నేను

కలగన్నా ఎంతో నేను ..

ఎన్నెలమ్మా..ఎన్నెలమ్మా...2 ""పల్లవి""