బొమ్మ-బొరుసు..!!>మనోహర్ పంత్>భీమారం(హన్మకొండ )*

 సుబ్బారావు, అప్పారావు, పట్నంలో  ఉద్యోగం చేస్తున్నారు.  ఒకే   గదిలోనే ఉన్నా
 కంచాలు, మంచాలు వేరే,వేరే!!
రెండు రోజులు సెలవులొస్తే, అప్పారావు, 
ఉరికి వెళ్లి వొచ్చాడు . "ఊళ్ళో ఎలా గడిపావ్", అని సుబ్బారావు అడిగాడు .
"చాలా బాగుంది . లాభంగా తిరిగొచ్చాను",
అన్నాడు అప్పడు (అప్పారావు). "అదెలా?" క్రొశ్నిచాడు 
సుబ్బడు(సుబ్బారావు).  అప్పడు ఇలాచెప్పినాడు.
"బస్ దిగి వీధిలో పోతుంటే,  అప్పుడే 
అనసూయ, ముగ్గేయ్యటానికి, వాకిట్లోకి 
వచ్చింది . తనను చూసి , ఏం అప్పారావు 
ఎప్పుడు రావటం ? "అని అడిగింది.  "నువ్వు  .. నువ్వు కన్నప్పుడే " అన్నాడు. 
అనసూయ గిరుక్కున లొపలికి వెళ్ళింది. 
అప్పారావుకి, నాలాగే, తెలుగులో గొప్ప 
పండితుడిని, అని అనుకుంటూ ఉంటాడు 
మంచి " శ్లేష " వేసాననుకొని, నవ్వుకుంటూ ఇంటికి వచ్చాడు . 
కానీ కథ ఇంకోలాగ అయింది. ఒక గంట 
తరువాత , ఆ ఊరి మోతుబరి మదనయ్య ,వచ్చాడు . వస్తూనే అప్పారావు చేతులు పుచ్చుకొని, "బాబ్బాబు ఈ విషయం ఎక్కడ చెప్పకు .
ఏదో పొరపాటైంది . నలుగురికి తెలిస్తే బాగోదు, కావాలంటే ఈ డబ్బు వుంచు," 
అంటూ బలవంతంగా కొన్ని నోట్లు జేబులో 
కుక్కి, వెళ్లి పోయాడు" . 
విషయమేమిటంటే , అనసూయ , మదనయ్య ఇలాకా . ఎవరికి తెలియకుండా గుట్టుగా వ్యవహారం నడిచేది . ఏదో పొరపాటున అనసూయ 
నెల తప్పింది.  నలుగురికి తెలిస్తే బాగోదని 
అనసూయ , పిన్నికో,  అత్తకో బాలేదని 
పట్నం పంపాడు . అక్కడ గుట్టుగా ఉంచి 
తెలిసిన హాస్పిటల్లో డెలివరీ చేయించాడు 
పుట్టిన బిడ్డను ఎవరికో అప్పచెప్పి , 
అనసూయను తిరిగి ఇంటికి చేర్చాడు .
ఈ విషయమంతా, అప్పారావుకి, తెలిసిందని, మదనయ్య భయపడి , డబ్బులిచ్చాడు". 
అదిరా, సంగతిని , సుబ్బారావుకి చెప్పాడు . కథ, ఇక్కడిటితో అయిపోతే పెద్దగా మజావుండదు .
       కొన్ని రోజుల తరువాత , ఎవో రెండు రోజులు సెలవులొస్తే,  సుబ్బారావు, వాళ్ళ 
ఉరికి వెళ్ళాడు.  బస్సు దిగి వీధేమ్మటే 
పోతుంటే,  అప్పుడే ఇంట్లోంచి బయటకు 
వచ్చింది , శేషమ్మ . సుబ్బారావుని, చూసి , "ఏరా ఎప్పుడు రావటం ?", అని అడిగింది.  సుబ్బారావుని.
టక్కున, అప్పారావు " జోక్ " గుర్తుకొచ్చింది.  వెంటనే , "నువ్వు  
కన్నప్పుడే " అన్నాడు. 
ఇక శేషమ్మ తగులుకుంది , "ఏరా త్రాష్టుడా 
మొగుడు చచ్చి ముప్పై ఏళ్లయ్యింది, 
కాటికి కాళ్ళు చాపుకున్నాను , నేను 
కనటమేమిటిరా? , అంట్ల వెధవ , నీ శ్రాద్ధం 
పెట్ట,  నీ పిండం చెట్టు కింద పెట్టా!" 
ఇంకా శేషమ్మ నోట్లోనుంచి వచ్చిన తిట్లు. .తూట్లు
పొడుస్తున్నాయిసుబ్బారావు ని.అతనిపరిస్థితి ఎట్లా
ఉంటుందో వూహి కోవచ్చు !!