పిల్లలం -మల్లెలం( కవిత);-గుర్రాల లక్ష్మారెడ్డి, కల్వకుర్తి.సెల్ నెంబర్.9491387977.నాగర్ కర్నూల్ జిల్లా.

పిల్లలం పిల్లలం పిల్లలం

మేంఅల్లరి చేయని పిల్లలం

మల్లెలం మల్లెలం మల్లెలం

మీ ఉల్లము దోచిన మల్లెలం !

పిల్లలం పిల్లలం పిల్లలం

కల్లాకపటం లేని పిల్లలం

మల్లెలం మల్లెలం మల్లెలం

అల్లిబిల్లి అయిన మల్లెలం !

పిల్లలం పిల్లలం పిల్లలం

గిల్లి కజ్జాలు లేని పిల్లలం

మల్లెలం మల్లెలం మల్లెలం

మచ్చలేని మంచి మల్లెలం !

పిల్లలం పిల్లలం పిల్లలం

పిల్లి మొగ్గలేయు పిల్లలం

మల్లెలం మల్లెలం మల్లెలం

మేం ఎల్లలెరుగని మల్లెలం !

పిల్లలం పిల్లలం పిల్లలం పిల్లలం

వీసమంత మోసమెరుగని పిల్లలం

మల్లెలం మల్లెలం మల్లెలం మల్లెలం

గొల్లపల్లి వారి ముల్లెలైన మల్లెలం. !

పిల్లలం పిల్లలం పిల్లలం పిల్లలం

పిసరంత పిరికితనం లేని పిల్లలం

మల్లెలం మల్లెలం మల్లెలం మల్లెలం

అల్లం బెల్లం ఉల్లమైఉన్న మల్లెలం !

పిల్లలం పిల్లలం పిల్లలం పిల్లలం

నిలువ నీడలేక అల్లాడే పిల్లలం

మల్లెలం మల్లెలం మల్లెలం మల్లెలం

 అల్లన మెల్లన అలసిన మల్లెలం.  !

పిల్లలం పిల్లలం పిల్లలం పిల్లలం

పల్లె తల్లి ఒడిలోని చిన్న పిల్లలం

మల్లెలం మల్లెలం మల్లెలం మల్లెలం

తెల్లనివెన్నెల వెలుగులీను మల్లెలం