నాడు అమ్మమ్మ ఇంటిలో( బాల గేయం)-ఎడ్ల లక్ష్మిసిద్ధిపేట

బిగడంతా వాకిలి జూసి

బిరబిరా ఊడ్చేసు అమ్మ

సానుపేమో చల్లేసు అవ్వ

ముత్యాల ముగ్గులేసు అక్క

గుమ్మము ముందున్న

గడపకేమొ పసుపురుద్ది

కుంకుమ బొట్లను పెట్టమ్మ

ఆ గడుప మా ఇంటి లక్ష్మి

పేడ ఎర్ర మట్టి కలిపి

ఇల్లు అంత అలికి పెట్టి

ముత్యాలముగ్గు లేసిన

ఆ ఇల్లెంతో అందంగుండు

పొయ్యిలోన మంటపెట్టి

పొయ్యి మీద కుండ బెట్టి

అందులోన అన్నమొండి

అందరికి  వడ్డించు అమ్మ

పెరిటి లోన నాటెదరు

కాయగూర చెట్లెన్నెన్నో

కోసివండి పేట్టు అమ్మ

కూర ఎంతో కమ్మగుండు