* పల్లె సందడి *; - కోరాడ నరసింహా రావు !

వానకురిసి... వచ్చిన వరదలో 

   చేపలెన్నొ కొట్టుకొచ్చెను 

తేరగా వచ్చిన చేపలు పట్టగ 

.  పల్లె జనం పరుగులు తీసెను!

గెంతుతున్న చేపలు చూసి..... 

  పిల్లలుకూడా గెంత సాగెను  

 చేతికిదొరికిన చేపలుపట్టుకు 

. పిల్లలు,పెద్దలు ఇళ్లకు చేరెను!

లచ్చమ్మ బొచ్చు చేపను... 

  ముక్కలన్ని ఇగురుచేసెను 

  ములక్కాడ, టమాటాలతో... 

బుర్రలు,తోకలు పులుసు పెట్టె!

బుచ్చమ్మ బంగారుపాపను 

 మషాల పెట్టి వేపుడుచేసెను 

చక్రంలాంటి చేప ముక్కను 

చిట్టి, లొట్టలేసుకు తినెను !

ఒకరింట మారుపులు 

.వేరొకరింట సవడలు  

.  ఘమ, ఘమలాడే వాసనలు 

     ఇంటింటా గుభాళించెను !

చేపలు దొరకని వారికి కొందరు 

 పోరట గా కూరలు ఇచ్చెను 

   ఆరోజు అందరిళ్ళలో... 

    చేపలకూరలుసందడిచేసెను 

పల్లె అంతా ఆనందంతో.... 

  పండుగరోజులు గుర్తుచేసెను 

    పిల్లలంతా  మరోమారు 

     వానరాకకై ఎదురుచూసెను!

    *******