ఎండాకాలం సెలవులు: - మనోజ్ కుమార్- 9 వ తరగతి , జెడ్ . పి . హెచ్ . ఎస్ . నర్మెట , జనగాం జిల్లా

  అందరికీ నమస్కారం...🙏
 నా పేరు మనోజ్ కుమార్. నేను ఎండాకాలం సెలవుల్లో ఎలా గడిపానో చెబుతా.
 ఇంతకు నేను సెలవుల తేదీ చెప్పలేదు కదా 23/4/2026. అప్పుడు ఆరోజు ప్రోగ్రెస్ ఇచ్చారు. ఇంటికి పోయాక మా అమ్మకు చెప్పాను .అమ్మ నేను మార్కులెన్ని తెచ్చుకున్నానో తెలుసా. 600/468 తెచ్చుకున్న అని చెప్పా .మా అమ్మ చాలా సంతోష పడింది. మరుసటి రోజు బయటకు వెళ్లాను .అప్పుడు నాకు మా గల్లీ పోరగాళ్లు కనిపించారు. వాళ్ళు గోటీలు బొంగరం పైసలు ఆట ఆడుతున్నారు . నేను కూడా గోటీలు తెచ్చుకొని ఆడుతున్న సమయంలో మా తమ్ములు వచ్చారు. ఏంట్రా మీరు ఇక్కడికి వచ్చారు అనగానే నేను కూడా ఆడతాను అన్నాడు  మా తమ్ముడు సరేలే అని ఆడిపించాను. మా తమ్ముళ్ళ గోటీలు అన్నీ పోయాయి. అన్న నాకు కొన్ని గొటీలు ఇయవా అని అడిగాడు. ఆట తర్వాత ఇస్తా అని నేను అన్నాను. మరుసటి రోజు తెల్లవారి జామున హైదరాబాదుకు మా బాబాయ్ తో కలిసి వెళ్ళాము. ఆడ ఒక పది రోజులు ఉన్న తర్వాత మా ఊరికి వచ్చినంక మా అమ్మమ్మ వాళ్ళ ఇంటికి వెళ్ళాము. తర్వాత మల్ల కొన్ని రోజుల తర్వాత హైదరాబాదుకు వెళ్ళాము. అక్కడికి పోయాక స్నానం చేసి కొంత సేపు పడుకొని తర్వాత లేచే వరకు 4:30 అయింది .అన్నం తిని కారులో ట్యాంక్ బండ్ చార్మినార్ ఇట్లా గోల్కొండ తిరిగాము .వెళ్తూ వెళ్తూ ఒక దగ్గర హనుమాన్ గుడి ఉన్నది .గుడిలోకి వెళ్లి దేవుని దర్శనం చేసుకొని మళ్లీ దారిలో ప్రసాదం తీసుకొని తిని మాట్లాడుకుంటూ ప్రయాణం కొనసాగించాం. నాకు పెద్దపెద్ద భవనాలు, అంబేద్కర్ బొమ్మలు ఇంకా ఇట్లా చానా కనపడ్డాయి .ఒక రౌండు ట్యాంక్ బాండ్ చుట్టూ తిరిగాము. తర్వాత  డ్రెస్సులు షార్ట్స్ ఫేస్ వాష్ ఇట్లా కొనుక్కున్నాము. ఐస్ క్రీమ్ తిని వెళ్తున్నాము. తర్వాత ఇంటికి చేరుకున్నాం. మల్ల మరసటి రోజున ఒక బండి హైదరాబాద్ నుంచి రిపేర్ కి వచ్చింది .ఆ షాప్ లో నేనొక్కన్నే ఉన్నా. మా బాబాయ్ కి ఫోన్ చేసి రమ్మన్న రిపేర్ వచ్చింది కదా అని చెప్పా . వచ్చి అది బండి అంతా విప్పి క్లీన్ చేశాడు. 12:10 అయింది .ఇట్లా కొన్ని రోజుల తర్వాత మా చిన్న బాబాయ్ తోని వెళ్ళాము. ఎక్కడికి వెళ్ళాము అంటే ఈత కొట్టడానికి వెళ్ళాము. కొంచెం అట్లా సరదాగా ఈత కొట్టి ,ఈత పండ్లు తిని ఇంటికి పోయాము. తరువాత డాడీ దారా అని పిలిచాడు. మామిడికాయలకు పోదాం అన్నాడు .సరే డాడీ అని అన్నాను. అక్కడికి పోయాక మామిడికాయలు నింపి ఇంటికి తీసుకుకవెళుతుంటే దారిలో అల్లనేరేడుపళ్లు, నక్కరిక పండ్లు తీసుకుని ఇంటికి వచ్చాము .కొన్ని పండ్లు తిని కొన్ని పండ్లు మా బాబాయ్ కి ఇచ్చాము. తర్వాత మా బాబాయ్ వాళ్ళ ఇంటి ముందట ఒక పిల్లగాడు ఉండేవాడు.వాడు వచ్చి లూడో ఆడదామా అన్న అని పిలిచాడు. ఆడదామన్నాడు బెట్టు పెట్టి ఆడుదాం అన్నాడు .బెట్టు పెట్టి ఆడితే వాడివి యాభై రూపాయలు పోయినవి.వాళ్ళ అమ్మ వచ్చి కోప్పడ్డది.అప్పుడు ఆ తమ్మున్ని చూస్తే బాధ కలిగింది.అప్పుడు అనుకున్నా ఇంకెప్పుడు బెట్ పెట్టి ఆడవద్ధని.
ఆ తరువాత నుండి బెట్ పెట్టి ఆడవద్ధని చెప్పాను.అది విన్నాడు. తర్వాత సరదాగా ఆడాము .ఇట్లా రోజు నవ్వులతో సంతోషంతో ఎండాకాలపు సెలవులు అయిపోయాయి.. ధన్యవాదాలు..