యుగపురుషుడు --మనతారకరాముడు ..!!------డా.కె.ఎల్.వి.ప్రసాద్.హన్మకొండ .

 తెలుగుదేశం 
నాయకుడుకాకముందే 
తెలుగునటుడిగా 
ఎన్ .టి .ఆర్ . అంటే
నాకెంతోఇష్టం ...!
నిండైన విగ్రహం 
అందమైన ముఖం 
తెలుఁగు -భాషపై 
చక్కని పలుకుబడి ,
ఏపాత్రనైనా ...
సజీవంగా పండించగల 
నటరత్నం ఆయన....!
సామాన్యుడు సైతం 
'ఎన్టీవోడు ' అని 
ప్రేమగా పిలుచుకునే 
ఈతెలుగు అగ్రనటుడు ,
' సినారె ' వంటి 
గీతరచయితలకు 
వెండితెరపైకి -
ఆహ్వానించిన ఘనుఁడు !
' ఎన్ఠీఆర్ ఎస్టేట్ ' నిర్మించి 
అబిడ్స్ కు ,
మరింత ప్రాచుర్యం కల్పించి 
నగరస్థాయిని పెంచినవాడు 
ఈ అందాలనటుడు ..!
మల్లీశ్వరీ ..పాతాళభైరవి 
గుండమ్మకథ ..నర్తనశాల వంటి 
సినిమాలుచూసి ...
"నటుడంటే ఈయనేసుమా! "
అనుకున్న క్షణాలు 
నాయవ్వనపు రోజులు !
కొమ్ములుతిరిగిన 
రాజకీయనాయకుల 
కొమ్ములు విరిచి ..
అతికొద్దిసమయంలో 
తెలగుదేశం పార్టీని స్థాపించి 
ప్రజానాయకుడై ...
ముఖ్యమంత్రి కావడం 
ఒకచరిత్ర ...!
ఊరూపేరూలేనివాళ్ళకి 
రాజకీయభిక్షపెట్టి 
వాళ్ల జీవితాలలో 
వెలుగునింపిన చరిత్రకారుడూ 
ఎన్ .టి .ఆరే ....!
ఇప్పుడు ....ఆయన్ను మరచి 
రోజుకొక కండువామార్చి 
రాజకీయ పబ్బంగడుపుకుంటున్న ,
ఎందరెందరో ..
ఎన్ టి ఆర్ ..అంటే 
తెలియనట్టు నటిస్తున్నవారే !!