కల్పవల్లి --ఆట వెలది పద్యాలు ---ఎం. వి. ఉమాదేవి

ఆమె కెవరు సాటి యాదరించుటలోన

కన్నతల్లి మనకు కల్పవల్లి 

సూర్య చంద్ర కళల సుందర వదనమ్ము 

శాంతినిచ్చు నమ్మ సర్వులకును !

తప్పుజేయగాను దండించు తల్లిగా 

మంచిచెడులు నేర్పి మహినిగెల్వ 

గుండెధైర్యమిచ్చు గుడిలేని దేవత 

పూల కొమ్మ వలెను పుల్కరించు !!

తలకునూనె రాచి తలయంట పండగన్ 

పెద్దబిడ్డలైన పెనగుప్రేమ 

నున్నదానిలోన నుత్సాహ భరితమ్ము 

తరువువలెను త్యాగి తల్లియగును !!