చిలకలం-మొలకలం(బాల గేయం);-గుర్రాలలక్ష్మారెడ్డి, కల్వకుర్తి.సెల్.9491387977.నాగర్ కర్నూలు జిల్లా.

చిట్టి చిట్టి చిలకలం

గట్టి పొట్టి మొలకలం

అక్షరాలు చదువుతాం

లక్షణంగా ఎదుగుతాం!

వేకువజామున లేస్తాం

సోకుగ స్నానం చేస్తాం

తల్లి భారతిని పూజిస్తాం

వెళ్లి హారతిని మేమిస్తాం !

డిక్షనరీలను చదివేస్తాం

డిస్కవరీలను చూసేస్తాం

ప్రయోగాలను మేం చేస్తాం

ఫలితాలను అందిస్తాం !

ప్రతి ఆటను ఆడుతాం

బడి తోటలో పాడుతాం

అలసి సొలసి పోతుంటం

కలిసిమెలిసి మేముంటం  !

మాకు గురువంటే భక్తి

చదువంటే అనురక్తి

అందుకే పోతాం బడికి

పొందుగా మేం ఆగుడికి !

మా అమ్మ మాట వేదం

ఆమెతో చేయము వాదం

 ఆమె మా ప్రత్యక్ష దైవం

తెలుపుతాం మేం ఆ వైనం !