'క్క' ఒత్తు( బాల గేయం);-గుండాల నరేంద్ర బాబు,నెల్లూరు -సెల్: 9493235992

 మా అక్క పేరు నిర్మలక్క
మా పెద్దక్క పేరు రాజక్క
 మా వీధిలో వుందొక బక్క కుక్క
దాని పేరు తిమ్మక్క
దానికి రోజూ ఉండాలి 
ఏదో ఒక మాంసపు ముక్క
ఒకరోజు దానికి దొరికింది
 ఒక నక్క పక్కటెముక
దానిని నమలలేక కుదిరింది దాని తిక్క
 బడి  ఎగ్గొట్టి మరీ ఆటలు 
ఆడుతున్నారు కొందరు బాలలు ఎంచక్కా
చూసింది మా లెక్కల గురువు  అక్కంపేట  సీతక్క
ఇది గమనించిన బాలలు 
తమ పిక్కలకు పనిచెప్పి
 అక్కడి నుండి  పాడుబడిన బంగ్లా 
పక్కన దాక్కుని నక్కినక్కి చూడసాగారు
బడి మానిన పిల్లలకోసం వెతుకుతూ 
అటుగా వస్తున్న పాఠశాల ప్రధానోపాధ్యాయులు
చండశాసనుడైన అక్కరపాక  
అంకయ్యను చూసిన బాలలు అప్పటి నుంచి 
ఒక్కరోజు కూడా బడి మానివేయకుండా  
ప్రతిరోజు బడికి  వెళ్ల సాగారు.