పుడమి తల్లి ; -గుండాల నరేంద్రబాబు

వందనాలు పుడమి తల్లికి

హరి చందనాలు అడవి మల్లికి

వందనాలు కల్పవల్లికి

 అభివందనాలు అమృతవల్లికి

చరణం:1

అందాల ఈ అవనీ

సుమగంధాల ఈ జననీ

ఆహ్లాదాల ఆ ఆమనీ

ఆనందాల ఈ యామినీ

చరణం:2

పచ్చనితరుల ఈ ధరణిని

స్వచ్ఛతెమ్మెరల ఈ ధాత్రిని

 సహజవనరుల ఈ నేలని

పాడిపంటల ఈ పృథ్విని

చరణం:3

జీవ జలముల పుణ్య భూమిని

జంతు జాలముల ధన్య భువిని

ఘనచరితల హిమాచలాన్ని

అద్భుతాల నీలాకాశాన్ని

చరణం:4

చేయకోయి వినాశనాన్ని

చేయవోయి వికాసాన్ని

కోర కోయి విధ్వంసాన్ని

కోరవోయి విశ్వహితాన్ని

కాపాడుకోవాలి పర్యావరణాన్ని

 కాపాడుకోవాలి పర్యావరణాన్ని

( 05.06.2022 ప్రపంచ పర్యావరణ దినోత్సవం సందర్భంగా)

గుండాల నరేంద్రబాబు  

అసోసియేట్ ఎన్.సి.సి.ఆఫీసర్

10 ఆంధ్ర నావికా దళ విభాగం

ఎన్.సి.సి నెల్లూరు.

తేది:04-06-2022

సెల్: 9493235992.