పచ్చదనాల బడి;- త్రిపురారి పద్మ.-జనగామ.

పల్లవి::

పచ్చని పందిరి వేసినట్టుగా

ముచ్చట గొలిపే మన బడి.

పచ్చని జీవిత రథమును నడిపే

చదువుల పెన్నిధి

మన బడి.

        "పచ్చని"

చరణం:

చిన్నారుల మనసును

 తెలిసి నడిచెడీ

గురువుల సన్నిధి మనబడి.

చిరునవ్వుల పిల్లల 

జ్ఞానం పెంచే

చదువుల గుడి ఇది.

మన బడి.

        "పచ్చని"

చరణం:

ఆట పాట మేటిగ సాగే

ఆనందాల సింగిడి

ఆకాశంలో మెరిసెడి తారక

వెలుగు రేఖలే మన బడి.

        "పచ్చని"

 చరణం::

తల్లిదండ్రుల ప్రేమ

రూపమై 

పెరిగిన పిల్లల

 సంక్షేమ సారథి

 మనబడి.

విలువల విద్యతొ

ఎదిగెడి బాలల

భవితకు విరిసిన

విద్యాగంధపు సుమమిది.

            "పచ్చని*