యే పూజా ఫలమో ;-Dr కందేపి రాణీ ప్రసాద్

పచ్చి నెత్తురు తాగే మృగం లా పుట్టలేదు

కాళ్ళ కింద నలిగే పురుగుల్లా పుట్టలేదు

చేతి చరుపు తో చచ్చే దోమల్లా పుట్టలేదు 

ఏ పూజా ఫలమో మానవుల మైనాము.

నీళ్లలో నాని జారే నాచులా పుట్టలేదు

ఎడారి లో నీళ్ళు లేక మాడేలా పుట్టలేదు

అడవి లో కాచే వెన్నెల లా పుట్టలేదు

ఏ పూజా ఫలమో మానవుల మైనాము.

కదల లేని చెట్టు మాను లా పుట్టలేదు

కంటికి కనబడని సూక్ష్మ క్రిమి గా పుట్టలేదు

కాలితో తన్నే బండ రాయి గా పుట్టలేదు

ఏ పూజా ఫలమో మానవుల మైనాము.

రాయి పై పడే వాన చుక్క లా పుట్టలేదు

పండ్లు కాయని ముళ్ళ చెట్టు లా పుట్టలేదు

గోరు తో  చిటుక్కున చంపే పేను లా పుట్టలేదు

ఏ పూజా ఫలమో మానవుల మైనాము.

నవ్వలేని, ఏ డవలేని జంతువు లా పుట్టలేదు 

మట్టి అడుగున జీవించే ప్రాణ గా పుట్ట లేదు

ఎగిరి ఎగిరి రెక్కలు ముక్కలయే పిట్ట గా పుట్ట లేదు

ఏ పూజా ఫలమో మానవుల మైనామ్.