*ఓటుహక్కు*- *సద్వినియోగం*:- - జి. లింగేశ్వర శర్మ-సిద్దిపేట

*కం-1*

దేవుని హుండీ లోపల 

గావుముమమ్ములనటంచు*

కానుక లెన్నో!

నీవర్పించిన చాలదు

 రావా? నీవోటువేయ*

రాజ్యముకొరకై!

       

*కం-2*

నోటుకయి ఓటు నమ్మక

ధీటుగ మనమంత గూడి*

దేశముకొరకై!

పాటిగ ధర్మము తప్పక

ఓటును వినియోగపర్చు* 

టొప్పగు ధరణిన్!

*కం-3*

మాటలు మరచినవారికి

ఓటేనాయుధముసుమ్మి*

యోడించంగా!

ఓటరుమహాశయా!విను

మోటునువేయగను రావె*

యోపిక తోడన్!

*కం-4*

గారడి మాటల తోడుత

జోరుగ పథకాల జూపి*

జోతలనిడుచున్!

చేరెడి నేతలు మీకడ

మీరేదేవుళ్ళటంచు*

మెచ్చును పై పై!

*కం-5*

మాటల జెప్పుచు నేతలు 

కోటలు గట్టెదర వెన్నొ*

కూరిమితోడన్!

ఓటును వేయమటందురు!

పోటీపడివిజయపథము*

పొందుటకొరకై!

*కం-6*

ఓటరులారా! వినుడీ

మేటిగసేవలనుజేయు*

మేలగునేతన్!

పోటీలోగెలిపించుడి 

ఓటునువినియోగపర్చి*

యోరిమితోడన్!

*కం-7*

విత్తము,మద్యపు,మాయల

చిత్తముపడకుండనిలిపి*

చేతనమతితో!

సత్తా జూపెడు నేతల

నుత్తములనె యెన్నుకొనుట*

యుజ్వల భవితౌ!

*కం-8*

ఓటుకు విలువను పెంచుచు

నోటరుగాదేశభవిత*

నుప్పొంగుగతిన్!

ఓటేనీయాయుధమని

చాటుచునీవోటువేయ*

సద్వినిమయమౌ!