యోగం;-.డా.పి.వి.ఎల్. సుబ్బారావు, 9441058797.

బాల పంచపది
=============
1. ఏకాగ్రతకు మూలము !
అన్యచింతన దూరము!
ఆధ్యాత్మిక జీవన మార్గము!
మోక్ష సాధన రహస్యము!
ధ్యానం చేయాలి,
మోక్షం సాధించాలి, రామా!

2. మనసు మనిషికే ఉన్నది!
అదే మనల్ని నడిపిస్తున్నది!
ఆది, నీవు నా వశం అంటుంది!
మన,వశమైతేమాటవింటుంది!
ధ్యానం చేయాలి ,
మోక్షం సాధించాలి ,రామా!

3. మనసును అదుపులో,
ఉంచాలి !
సరియైన దారి,
నడిపించాలి !
దైవం మీద ,
దృష్టి నిలపాలి !
నిత్యం ధ్యానం,
సాధన చేయాలి!
ధ్యానం చేయాలి ,
మోక్షం సాధించాలి ,రామా!

4. నేడు జీవితం,
సమస్యల మయము!
అనుక్షణం ,
ఘర్షణ కారణము!
మనసు ,
అశాంతికి ఆశ్రయము!
ధ్యానం ,
జీవన రక్షణ కవచము!
ధ్యానం చేయాలి ,
మోక్షం సాధించాలి, రామా!

5. తనువు ఆసనం వేయాలి!
నాలిక నామం జపించాలి!
మనసు జపం చేయాలి!
అంతరంగం నిర్మలం కావాలి!
ధ్యానం చేయాలి ,
మోక్షం సాధించాలి ,రామా!
________