తప్పుతాయి కదూ(చిత్రకవిత );-కోరాడ నరసింహా రావు

ఆసరాలేని బతుకు... 

 సహాయం కోసం దీనంగా... 

   పరులపంచన.. అరుగుమీద 

"వయసులో... సంపాదించి 

  దాచుకున్న  డబ్బైనా ఉండాలి 

   కన్న బిడ్డలైనా ఉండాలి... "

     అంటారేగానీ...., 

       

     అవి మాత్రం అక్కరకు వస్తా యన్న గ్యారంటీ లేదు కదా.... !

పట్టించుకోని కన్నబిడ్డలు... 

  ఎందరు  లేరు... !!

ఎంతడబ్బున్నా  వండి,వడ్డించి 

  ఆదరించేవారెందరుంటారు ?!

వృద్దాప్యంలో విధవయై,ఆడది  బ్రతికేయ గలదే మో గానీ...  విదురుఁడై.. మగవాడు...

   బ్రతకడం దుర్భరం... !

 కడదాకా తోడూ,గూడూవుండి 

 కూటికీ, గుడ్డకీ లోటులేకుండా 

  ఆరోగ్యంతో బ్రతక గలగటం... 

   అదెంత పుణ్యం చేసుకుంటే 

    అటువంటి జన్మ వస్తుంది !!

అందుకే.... దనాన్నీ, పిల్లల్నీ... 

 సంపాదించలేకపోయినందుకు 

  బాధపడకూడదు, 

  చాతనైనా మంచిపనులు చేసి 

 కాస్తంతపుణ్యాన్నిసంపాదించు కోలేక పోయామే... అని బాధ పడాలి... !

  ఇలాంటి బతుకుల్ని చూసైనా 

  పుణ్యానికి ప్రయత్నిస్తే... !

  ఈపాట్లు...మనకితప్పుతాయి కదూ.....!

      *******