శిష్యోత్తముడు!;-డా. పి.వి.ఎల్. సుబ్బారావు, 9441058797.

బాల పంచపది
===========
1. ఆరంభించిన వశిష్ఠుడు! కొనసాగించిన విశ్వామిత్రుడు!
ఆదర్శ శిష్యుడు రాముడు!
జగాన పురుషోత్తముడు!
విద్యార్థీ,
జ్ఞానజలధివి,కావాలి,రామా!

2. శ్రీకృష్ణుడు సర్వజ్ఞుడు!
సాందీపుని ప్రియ శిష్యుడు !
సరి గురుదక్షిణ చెల్లించాడు
జగద్గురువై భాసించాడు!
విద్యార్థీ,
జ్ఞానజలధివి ,కావాలి,రామా!

3. భారతం నాటి అర్జునుడు!
ద్రోణాచార్య ప్రియశిష్యుడు!
మేటి విలుకాడై నిలిచాడు!
కురుక్షేత్రాన అతడే విజయుడు!
విద్యార్థీ,
జ్ఞానజలధివి ,కావాలి ,రామా!

4. నేటి భారతాన,
వివేకానందుడు!
పరమహంస ,
ప్రధాన శిష్యుడు!
జ్ఞానం విశ్వాన ,
చాటిన ఘనుడు!
మేటి గురువు,
అందించిన శిష్యుడు!
విద్యార్థీ,
జ్ఞానజలధివి ,కావాలి,రామా!

5. అమ్మానాన్న ఇచ్చేది జన్మ!
గురు బ్రహ్మ మనకి జ్ఞాన జన్మ!
తరించే మార్గం అదేనమ్మ!
సార్థకం ఈ మానవ జన్మ!
విద్యార్థీ ,
జ్ఞానజలధివి, కావాలి, రామా!

6. జిజ్ఞాస గల శిష్యుడు!
వాత్సల్య పూర్ణ గురుడు!
వారిబంధాన ఉదయిస్తాడు
అనంత జ్ఞాన భాస్కరుడు!
విద్యార్థీ ,
జ్జానజలధివి,కావాలి,రామా!

7. నేర్వవలసినది అనంతము!
ఉన్న జీవితము పరిమితము!
విద్యా ధనము దుర్లభము!
సాధన చేయాలి నిరంతరము!
విద్యార్థి ,
జ్ఞానజలధివి,కావాలి, రామా!

8. యుగమేదైనా,
రవి ఉదయిస్తాడు !
శిష్యుడు గురువుని,
ఆశ్రయిస్తాడు!
గురువు ప్రేమతో,
తీర్చిదిద్దుతాడు !
శిష్యుడు ప్రతిభతో,
భాసిస్తాడు!
విద్యార్థీ,
జ్ఞానజలధివి, కావాలి, రామా!

9. కళ, శాస్త్రం ఏదైనా కానీ!
విద్యానావకు గురువే చుక్కాని!
బతుకు అతనితో సాగనీ !
సరి జ్ఞానతీరం చేరనీ!
విద్యార్థీ ,
జ్ఞానజలధివి ,కావాలి ,రామా!

10. దేముడు ఆగ్రహించాడు!
గురువు ఆదుకుంటాడు!
గురువే ఆగ్రహించాడు!
ఏ దేవుడూ ఆదుకోలేడు !
విద్యార్థీ ,
జ్ఞానజలధివి ,కావాలి,రామా!
_________