ఆశ;-కొప్పరపు తాయారు;-- ఫోన్:9440460797

       అవనిలో ఆశల సౌరభాలు ఆస్వాదించ

        మనసు దిగ్దిగింతాల విదజిల్లు భావనల

        తోడ,

        భావమధురిమలు తేనెఝరులై

        ప్రవహించ మానసంబుప్పొంగ,

        మధురతరహేల వెనువెంటనే విన్పించ

        సుగమ కుహూ కుహూల ఏమీ సంగీత

        మాధురీఝరులు,సృతిలయల మిళిత

        మృదంగ విన్యాసాలు,

  

    ‌‌.   ప్రకృతి పులకించె,తన సంగీత హేల

        మధురతర  సృష్టి   మహినీ,

        మురిపించు, ఆలపించు ప్రతి హృది

        అనుభవింప, అమృత గాన సంగీత

        విభావరీ, ఆ భగవంతుని సృష్టిలో

        పారవశ్యం చెందె సరళముగ!!

        ఏమి సంతోషహేల ?

        అనంత సంప్రోక్షణల  తేలె

        మదిని ఆశ వోలె!!