వీధి కుక్కలను చెయ్యకండి --కోరాడ నరసింహా రావు !

బొచ్చెడు బువ్వకి.... 

   నంజు  లేకపోయినా... 

   అవి పొడి మెతుకులే ఐనా... 

     బెల్లం చుట్టూ చేరిపోయిన 

       చీమల్లా... పిల్లలు  !

ఇదీ మన దేశ స్థితి.... !

 స్వర్ణోత్సవాలు

     జరుపుకొంటన్నా... 

       మారని పరిస్థితి... !!

గమ్యం తెలియని... 

  గతిలేని  బ్రతుకులు... !

    బంగారు బాల్యం... 

     అనుభవిస్తున్న వెతలు !!

కామానికి కనటమే గానీ... 

   పెంచే బాధ్యతను...బరువని 

       గాలికి వదిలేసిన... 

          కన్న వారి నిర్లక్ష్యానికి 

             నిదర్శనలు.... !

పిల్లలను కనటమే.... 

   గొప్ప కాదర్రా.... !

    పశువులూ -  పక్షులూ... 

      కంటున్నాయ్... !!

 మీలాంటివాళ్ళకన్నా... 

     అవే నయం... !

        రెక్కలొచ్చేవరకూ... 

           బాధ్యతగా... ప్రేమతో 

              చూసుకుంటాయ్ !!

పెంచలేని వాళ్లకు... 

  కనే అర్హత లేదు.... !

    కనకండి...మీలాంటివాళ్ళు

        పిల్లలను  కనకండి !!

           వాళ్ళ బ్రతుకుల్ని... 

             వీధికుక్కల బ్రతుకులు 

                   చెయ్యకండి !!

        *******