సునంద భాషితం ;-వురిమళ్ల సునంద ఖమ్మం
 యోగము...యోగ్యము
   *****
యోగము బాగుంటే ఏ పనులైన అవలీలగా పూర్తి చేసుకోవచ్చు.యోగములోనే వ్యక్తి యొక్క శక్తి సామర్థ్యాలు, పట్టుదల, కృషితో  పాటు ఎంచుకున్న విషయాలు ఎలాంటివో,ఎంతటివో తెలుస్తాయి.
అంకిత భావం గల యోగముతో వ్యక్తి దశ,దిశ మారుతుంది.అన్నీ సమకూరుతాయి.యోగాన్ని సరిగా వినియోగం చేసుకుంటే జీవితంలో ఎన్నో సమస్యల్ని సునాయాసంగా అధిగమించవచ్చు.
యోగము అంటే పొద్దున్నే లేచి చేసే యోగా కాదు. మానసికమైన తెలివితేటలకే కాదు మరెన్నో అర్థాలను కలిగి ఉన్న పదము.
యోగము అంటే... ఉపాయము,ఎత్తుగడ, ప్రయత్నము, ఎత్తు, ఉద్యమము,జిగీష, ఉద్యోగము అనేవే కాకుండా ధనము,అర్థము, ఆదాయము,లిబ్బి,నిధి, సొత్తు, కవచము,కంకటము,కంచుకము, తొడుగు లాంటి అర్థాలు కూడా ఉన్నాయి.
ఏది ఏమైనా  యోగముతోనే సమాజంలో యోగ్యముతో కూడిన పేరు ప్రఖ్యాతులు వస్తాయి.యోగ్యము ఏ వ్యక్తి జీవితంలోనైనా ప్రముఖ పాత్ర వహిస్తుంది.
యోగ్యము మనిషిలోని సుగుణాలకు గీటురాయిగా నిలిచి ఆదరాభిమానాలు పొందేలా చేస్తుంది.
అలాంటి యోగ్యము అంటే ఏమిటో చూద్దాం... శ్రేష్టము ఉత్తమము,శ్రేయము, మేలు, మిన్న, పేరు,నాణ్యము, యుక్తము, ఔచిత్యము, అనువు,పాత్రము సమంజసము,అర్హము లాంటి అర్థాలు ఉన్నాయి.
యోగము,యోగ్యము మనిషికి, మనసుకు రెండు రెక్కలు. ఏదైనా సాధించాలన్నా, సమాజంలో తన స్థానాన్ని సుస్థిరం చేసుకొని తనదైన ఉనికిని అస్తిత్వాన్ని చాటుకోవాలనుకున్నా ఇవి రెండూ ఉండాలి.
ప్రభాత కిరణాల నమస్సులతో 🙏

కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
కళ్యాణ దంపతులు; - శంకరప్రియ., శీల., సంచారవాణి:99127 67098
చిత్రం