అమ్మ, ఆవు!;-డా.పి.వి.ఎల్ .సుబ్బారావు- సెల్ :9441058797
కనుమ శుభాకాంక్షలతో
 ===================
1. అమ్మ ,ఆవు మనం,
             నేర్చే తొలి పదాలు ,!
  
 అమ్మ ,ఆవులతోనే,
 నిండి ఉంటాయి జానపదాలు!
   
  ఇల వారిద్దరే ,
          మనకి నిజ దైవాలు!
 
  మాత లేకుంటే,
          గోమాతే మన మాత! 

 ఆవుపాలే ,
 అమ్మపాలై నిలుపు మానవత!

2. దైవ సృష్టిలో ,
        గోవు కాదు ఒక జీవం!
   
   అది సమస్తదేవతా,
            ప్రత్యక్ష స్వరూపం !

   మన "కనుమ పండుగ "
                పశు ఆరాధనం!
 
   గోప్రదక్షిణం ,
            సర్వపాపహరణం! 

  గోదానం,
          భవతరణ సాధనం!

3. మన పల్లెలన్నీ రేపల్లెలే,
       సంపద అంటే పశువులే!

బాలురందరూ గోపాల బాలురే,
మువ్వగోపాలుడు నాయకుడే!

పాల ఉత్పత్తులు ,
      ఇస్తాయి సమస్త శక్తులు!
 
వెన్న తిన్నవాడే, కొండనెత్తాడు,
       మోహనవేణువూదాడు!

స్వర్గాన  ఒక్క కామధేనువే,
   ఇల గోవులన్నీ సత్కామాలే!

4. గోవిసర్జితాలు ,
               అతి పవిత్రాలు!
   
   యజ్ఞ యాగాదులలో,
         సదా వినియోగాలు!

   వ్యవసాయాన ,
     రైతన్న కుడి భుజం గోవు !
   
  గోవుకన్న,
     కోడెదూడల ,శ్రమ ఫలం!
  
   వ్యవసాయాన,
        పాడిపంటల రూపం!

5. ఒట్టిపోయిన ,
   గోవు నెన్నడు విక్రయించకు! 

   అమ్మ ముసలిదైనదని,
    ఇంటి నుండి గెంటేస్తావా?
   
   గడ్డితిని  గోవు,
          క్షీరామృతం ఇచ్చింది !

  అమృతం తాగి ,
విషం కక్కుతావా,నరపశువా?

నీవుపశువైనా నయమే,
 విషపశువు మాత్రం కామోకు!

_________


కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
ఆడపిల్ల అంటే అర్థం!! ప్రతాప్ కౌటిళ్యా
చిత్రం
చిత్రం ; ఇమ్రాన్--7వ తరగతి
చిత్రం