వెలుగుల్ని త్రాగండి!!; -ప్రతాప్ కౌటిళ్యా
అందరూ
పొదుగుల్లోంచి
వెన్నెల పితుకుతుంటే
కన్నెపిల్లలు
చంద్రుని మచ్చలను
కడిగి వేస్తున్నారెందుకు!!!?

ముఖాలన్నీ
తెల్ల రంగులో ఉంటే
బంగారు తొడుగు
తొడుగుతున్నారెందుకు!!?

చీకటి వెంట్రుకల్ని
ఆకాశం పై పరిచి
అద్దం ముందు అర్ధనగ్నంగా
నెలవంక వంక చూస్తారు ఎందుకు!!?

అబద్ధపు రాత్రిని సృష్టించి
వెన్నెలను త్రాగిన మైకంలో
అచ్చం చంద్రునిలా కనిపిస్తుంటే
అద్భుతం జరిగినట్లు
నటిస్తారు ఎందుకు!!?

చల్లనిది మేఘం చంద్రుడు కాడు
తెల్లనిది చంద్రుడు కారు మేఘం కాదు!!

తల్లి లాంటి మేఘం
తలంటీ
చల్లని చంద్రుని
తయారు చేస్తున్నారెందుకు!!?

నదికి దారి లేదు
నది దారి తప్పదు నది సాగుతుంది
ఆకాశంలో పారేనది చంద్రుడు
దారి తప్పిందని
దిగులు పడతారెందుకు!!?

నీలి మేఘాలలో
చిక్కుకున్నాడని మరిచి
ఆకాశాన్ని తగలబెడతారు ఎందుకు!!?

తారలు భూమికి దిగితే
చంద్రుడు చీకట్లో చిక్కుకుంటాడు
రాత్రి,
చీకటి కురిసిన రాత్రి గాని మిగిలిపోతుంది.

చందమామ కన్నుమూయదు
కంటికి కనిపించదు అంతే!!?

దగదగా మెరిసే
శరీరాల్ని
మచ్చలతో నింపకండి!!?

తరతరాలు
తరలిపోయిన
చెక్కుచెదరని
తారల్ని చూడండి!!?

వెలుగుల్ని త్రాగండి
వెన్నెల్నివ్వండి!!!!

Pratapkoutilya lecturer in Bio-Chem palem nagarkurnool dist 🙏🙏
8309529273

కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
సాహితీ ప్రియులకు అపురూప కానుక పొయిట్రి వర్క్ షాప్;-- యామిజాల జగదీశ్
చిత్రం
చిత్రం ;సాక్షి- 9వ తరగతి
చిత్రం