పిల్లలు ప్రశ్నిస్తే.... ! @ కోరాడ నరసింహా రావు.

పిల్లలు ప్రశ్నిస్తే....

     పెద్దలు చిరాకు పడరాదు !

పిల్లలలోని ఆసక్తి నెపుడు... 

            అణచి వేయరాదు..!!

ఎదుగుతున్నవయసులువారివి

 వికసిస్తున్న మేధస్సులవి... !

  పెద్దలు ప్రోత్సహిస్తే పిల్లలు... 

      పిడుగులె  యౌతారు !!

వారు తెలిసీ - తెలియక... 

     తికమక  పడితే.... 

   తప్పొప్పులు  సరిదిద్దాలి 

 సహనముతొ ప్రవర్తించాలి !

ఇష్టములేనిచదువు చదవమని 

   బల వంత పెట్టరాదు... !

 ఏది ఎందుకో బోధ పరచి 

       మన దారికి  తేవాలి !!

వారి అభిరుచులను గమనించి 

  మనము అభినందించాలి 

  వారి కృషి - పట్టుదలలకు 

  ఎపుడూ  సహకరించాలి !

 

 ఎదగ గలరు గొప్పవారిగా 

       అప్పుడే... వారు !

కన్నవారికి, సొంతఊరికి 

...మంచిపేరును తేగలరు!!

పిల్లలు  ప్రశ్నిస్తే... 

  పెద్దలు చిరాకు పడరాదు !

 పిల్లలలోని ఆసక్తి నెపుడు 

    అణచి వేయ రాదు... !!

    *******