మన రంగుల హోలీ;- గుర్రాల లక్ష్మారెడ్డి కల్వకుర్తి.సెల్.9491387977.నాగర్ కర్నూల్ జిల్లా.

మన హోలీ సంబరం

తాకాలిక అంబరం

ప్రకృతి సుందరం

వేడుక అగు మధురం !

రంగులు రంగులు రంగులు

ఇంట్లోన పాల పొంగులు

చేస్తారు పిండి వంటలు

తీసేస్తారుగ అంటలు !

హోలీ హోలీ పండుగ

చేయాలి మనం నిండుగ

ఆనందం ఇక మెండుగ

కల్గు మదిలోన దండిగ !

రంగుల మాయం జీవితం

అవుతుంది ప్రభావితం

హోలీ ఇచ్చు సంకేతం

తెలిసిందా నవనీతం !

ప్రతి ఏడూ వస్తుంది

ప్రకృతి పండుగ ఇది

వసంతాన్ని తెస్తుంది

రంగుల వల వేస్తుంది !

పలు రకాల రంగులు

నింపి ఉన్న బుంగలు

పై నిలువు నామాలు

ప్రదర్శించు వన్నెలు !

ఎటు చూసినా రంగులే

వరుణ్ శోభిత పొంగులే

పొర్లి పొంగిన హంగులే

ఉన్న కేశాల రింగులు !

పూల రంగులు వాడాలి

హోలీ పాటలు పాడాలి

మిత్రుల దరి చేరాలి

సయ్యాటలే ఆడాలి !

చందాల వసూలు వద్దు

బృందాల ఆటలు ముద్దు

ఒంటరి పోరు ఇక రద్దు

ఐకమత్యం వచ్చుటకద్దు !

హోలీ పండుగ ఇక జరుపు

ఇవ్వు అందరికీ పిలుపు

శుభాకాంక్షలను తెలుపు

సాంప్రదాయమును నిలుపు !

రసాయన రంగులను

వాడొద్దు ఎవ్వరును

మన కళ్ళు పాడగును

చర్మవ్యాధి వచ్చేను!

మందు తాగి ఆడొద్దు

మత్తులో ఇక పడొద్దు

పాడినచో చెడుట కద్దు

చిందులు అసలే వద్దు !

హోలి మంటలు వేయి

చెడును కాల్చివేయి

కేరింతలు వద్దోయి

వేడుక చేయవోయి !