మహిళా దినోత్సవం సందర్భంగా
=========================
ప్రేమకు రూపం మహిళా
ఇంటికి దీపం మహిళా
జన్మకే జన్మనిచ్చు మహిళా
జగతికే జీవం ఓ మహిళా
దారి చూపు దేవతగా
ఇలకు నిన్ను పంపాడు
తనలో సగభాగమిచ్చి
అర్ధనారీషుడాయే శివుడు
!!ప్రేమ!!
అనంత శక్తి రూపం మహిళా
అపార భక్తి భావం మహిళా
ధరణిలో ధాతృత్వం మహిళా
బాధ్యతల బందీ ఓ మహిళా
స్వేచ్ఛ లేని జీవితాన
చిరునవ్వే తనఆభరణం
తరువుగా తరుణీ నిలబడి
శిధిల సౌధాలను మార్చు భవనముగా
!! ప్రేమ!!
భరించే భూమాత మహిళా
ప్రవహించే జీవనది మహిళా
జాతికే జాగృతి మహిళా
మనిషికి జీవరాగం ఓ మహిళా
అమ్మ అత్తల ఇంటికి వారధి
తనయుల భవితకు సారధి
పువ్వుల సుకుమారం తనది
హిమ పర్వత రక్షణేఆమె చూపుది
!! ప్రేమ!!
addComments
కామెంట్‌ను పోస్ట్ చేయండి