భూమి నేను;- డా.టి.రాధాకృష్ణమాచార్యులు-98493058710

ఆకాశం నా నెత్తినుంది కిరీటంలా  

నా మనసూ ఒళ్లంతా మట్టి పాటే    

ఆకుపచ్చని చెట్లూ అడవీ కొండలూ 

ప్రకృతి నాలోని ఊపిరి

సూర్యుని వేడి సుర్రుమన్నది పైనుంచి 

నా మట్టిఎద కాలింది కాళ్ళకింద 

ఇంటి రేకుల పైకప్పులా 

నా సిగ పూలన్నీమాడిపోయే 

మనిషి బతుకు కునారిల్లే

 

నాలో ఉష్ణతాపం పెరిగింది 

పర్యావరణ సమతుల్యత గుండె గూడు చెదిరింది

సముద్రాలు నన్ను తాకుతున్నవి మరీ దగ్గరకొచ్చి

నదులు కలుషితమై వరదలతో 

నా గుండె గాయమైంది 

భావుకతలో కవితలైనవి 

వాస్తవికత పరుచుకున్న వస్తువులో 

ఆకాశాన్ని తాకే భవన నిర్మాణాలు పెరిగే

పచ్చని చెట్లూ,ప్రకృతి సంపద తరిగే

నేను భూమిని

నన్ను నేను కాపాడుకున్న 

ఆరోగ్యం నా బతుకు      

ఓ జీవ కళ మనిషి మనుగడ