మాయ... !\;- ..కోరాడ నరసింహా రావు.

పల్లవి :-

మాయలో  పుట్టి, మాయలో పెరిగి, మాయ మై పోవు మనుజులూ .. 

   మాయని  తెలియక, మోహము పెంచుకు, మిడిసిపడెదరు మూర్ఖులయీ !

 మిడిసిపడెదరు మూర్ఖులాయీ !!

       "మాయలో  పుట్టి..... "

చరణం :-

సృష్టిలో లేని... కులమలు , మతములు ...

 ఉచ్చ,నీచముల సృష్టించు కుని... 

మిడి - మిడి జ్ఞానపుబేధములతొ...వాదులాడుకుని చచ్చె దరు !

  వాదులాడుకునిచచ్చెదరు !!

         " మాయలో పుట్టి... "

చరణం :-

 ఆ... రూప, గుణ రహిత దివ్యత్వమునకు కథల నల్లుకుని కులికెదరు !

   సత్యము నెరుగక, భ్రమలలో మునిగి, తేల లేక... గిల - గిల లాడు తున్నారు !

 గిల - గిల లాడుతున్నారు !!

  వీరుజ్ఞాననావలో...పయనించి  

  గమ్యమునే చేరెదరో... లేక అందులోనే.... 

ఈది - ఈది... మరి ఈదలేక... 

 ఆ మాయా జలధిన మునిగెదరో... !!

ఆ... మాయా జలధిన మునిగెదరో...... !

       " మాయలో పుట్టి..... "

     *********