అమ్మకు వందనం (చిట్టి వ్యాసం);-- - డా.గౌరవరాజు సతీష్ కుమార్

 కోపంతో కరుణించేది, శాపంతో వరమిచ్చేది, మాటల తేనెలు కురిపించేది, మురిపాలను రంగరించిన ముర్రుపాల సాక్షిగా మమతల ముద్దలు కలిపేది, కదిలే దేవత అమ్మ! తల్లీ పిల్లా శరీరాలే వేరు. మనసొక్కటే. తన బిడ్డల కళ్ళల్లో వెలుగులకోసం ప్రతీక్షణం తపించేది. "నాకేం ఇవ్వకపోయినా సరే, నీకేం కావాలో అడుగు బిడ్డా!" అని కడుపున తలపెట్టి అడిగే వరాలిచ్చే దేవత అమ్మ! బతుకు కోసం ఆరాటం, పోరాటం, బతుకు విలువల విన్యాసాలు అమ్మ చెప్పకనే చెప్పే జీవితపాఠాలు! ఆ యముడికి అమ్మ ఉందా? ఉంటే..., అమ్మల ప్రాణాలు తీసేవాడా? అమ్మను గంగమ్మ ఒడిలో కలిపినా ఇంకా అమ్మఒడిలో నేనున్నట్లే అనిపిస్తోంది! అమ్మ నా జ్ఞాపకాల జీవనది. అందుకే అమ్మకు వందనం !!!
+++++++++++++++++++++++++