గజేంద్ర మోక్షం (161 నుండి 170)
==========================
ధర్మ కుండ నిండి పోయె
ప్రాణ శక్తి తగ్గి పోయె
పిలుపునున్న మహత్యము
కిరణం వలె సాగిపోయె
ఎవరు శాంతమూర్తి మరి
ఎవరు క్రోధ మూర్తి మరి
ఎవరి చేత ఈ జగము
జనింపబడినదో మరి
మహా ప్రళయ శక్తి అంత
లీనమయేదెవరి చెంత
ఎవరు నిరంతరము నుందు
కాపాడునొ విశ్వ మంత
సచ్చిదానందుడెవరో
ఆ భగవంతుండెవరో
జనన మరణమే లేని
సర్వ స్వరూపమెవరో
వికారాల కతీతుడు
స్ర్తీ పురుషుడు గాడతడు
ఒక్కడుగా ప్రకాశించె
దేశ కాలపతీతుడు
జీవుల సుఖ దుఃఖాలను
సమస్త జీవ కర్మలను
తెలిసిన ఆ సర్వజ్ఞుడు
రక్షించ బూన వలెననెను
దయ చూపించే వాడట
దీనుల యోగులపై నట
ఎవరో ఆ ఒక్కడు మరి
కరి వేదన గనుమనెనట
వెలుగులు విరజమ్ము నతడు
సర్వ వ్యాప్తమై ఇతడు
ఎల్ల వేల ప్రకాశించి
దీనుల రక్షించు విభుడు
అట్టి పరంజ్యోతుడు
రావాలనుచు ఇప్పుడు
తీక్షణముగ వేడెనట
కన్నీటితొ గజేంద్రుడు
ఆ ఒక్కడు పరమాత్ముడె
విన్నంతనె వచ్చుచుండె
ఆ పిలుపు తన కొరకని
తక్షణాన వెడలుచుండె
addComments
కామెంట్ను పోస్ట్ చేయండి