🔱మహా గౌరివి నీవె!
సౌభాగ్య దాయినివి!
నవ దుర్గా రూపిణి!
శ్రీమాతా శివాని!
( శ్రీమాత పదాలు.,)
🔱శ్రీమాత.. సర్వ మంగళ గౌరీదేవి. స్త్రీలందరికి .. సకల సౌభాగ్యములు ప్రసాదించుచున్న జగన్మాత!
పార్వతీమాత.. పరమేశ్వరుని పతిగా పొందవలయు నని; త్రీవ మైన తపస్సు కావించినది. అందువలన, ఆమె దేహము... కృష్ణ ( నలుపు) వర్ణయైనది. పిమ్మట, ప్రసన్నుడైన శివుని దివ్యానుగ్రహము వలన, గౌర వర్ణ ( బంగారు వన్నె) శోభిత యైనది. అందు వలన, "మహా గౌరి" అని, ప్రసిద్ధి కెక్కినది.
🔱"మహా గౌరీతి చాష్టమం" అనే పురాణోక్తి ప్రకారం; తొమ్మిది దుర్గా దేవీ మూర్తులలో ఎనిమిదవది .. "మహా గౌరి దుర్గ"!
🔱ఓం శ్రీదుర్గ! జయ శ్రీదుర్గ! జయజయ శ్రీదుర్గ!
( శ్రీదుర్గాదేవి షోడశ (16) నామ మాలిక.,)
🚩తేట గీతి పద్యము
సాంబశివు గోరి, శ్వేత వస్త్రాల నమరి,
పూజ్య మాతగ, వర చతుర్భుజగ నలరి
యభయ హస్తగ, వృషభ వాహనగ దనరి
వెలుగు నిన్ను "మహాగౌరి” కొలుతు చేరి!!
[ అవధాని, కోట రాజశేఖర్ ]
*********
🚩 శార్దూలo వృత్తం
గౌరీదేవిని సన్నుతింతు నెదనే కామ్యార్థ సంసిద్ధికిన్
సారాలంకృత రూపిణిన్ శివుడు సాక్షాత్కార మొందంగ నిం
పారన్ తెల్లని వస్త్ర సంతతుల నొప్పందాల్చి శ్వేతోక్షమే
ఆరూఢిన్ గని, యెక్కినట్టి సతి సౌమ్యన్ ప్రార్థనల్ జేయుచున్
(👌శ్వేతోక్షమే = తెల్లని కాంతులను విరజిమ్ముతున్న వృషభాన్నైనా (నందికేశ్వరుని )
[ డా. రఘుపతి శాస్త్రుల.,]
addComments
కామెంట్‌ను పోస్ట్ చేయండి