శ్రీ విష్ణు సహస్రనామాలు ;-(బాల పంచపది )ఎం. వి. ఉమాదేవి

246)సత్కర్తాః -

సజ్జనులను సత్కరించువాడు

మంచిపనులను చేయువాడు

కర్తవ్యమునాచరించువాడు 

కర్మధారణము చేయుచున్నవాడు 

శ్రీ విష్ణు సహస్రనామాలు!ఉమా!

247)అసంఖ్యేయః -

సంఖ్యలతో చూపలేనివాడు

అనంతమైన రూపములున్నవాడు

అనేకనామములున్నవాడు 

సంఖ్యయనునది లేనివాడు 

శ్రీ విష్ణు సహస్రనామాలు ఉమా!

248)అప్రమేయాత్మా-

ఇంతని చెప్పలేనట్టివాడు

మితిని విధించలేనివాడు

అప్రమేయ స్వరూపమున్నవాడు

అవధిలేని పరివ్యాప్తకుడు 

శ్రీ విష్ణు సహస్ర నామాలు ఉమా!

249)విశిష్టః -

సర్వశ్రేష్టుడు అయినట్టివాడు

విశేషగుణములున్నవాడు

గొప్పగుర్తింపు గలిగినవాడు

స్వామి విలక్షణమైనట్టి వాడు 

శ్రీ విష్ణు సహస్ర నామాలు ఉమా!

250)శిష్టకృతిః -

శాసనము చేయగలవాడు

ఆజ్ఞలను జారీచేయువాడు

ఆనతి నిచ్చుచున్నట్టివాడు

జ్ఞానమునందించగల వాడు 

శ్రీ విష్ణు సహస్రనామాలు ఉమా!

(సశేషం )