శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

556)పుష్కరాక్షః -

ఆకాశమంత వ్యాపించినవాడు 

తీర్థ విశేషాలున్నట్టి వాడు 

శ్రేష్టమైన జలమునున్నవాడు 

కోనేటిరాయుడు తానైనవాడు 

శ్రీవిష్ణు సహస్రనామాలు ఉమా!

557)మహామనా -

గొప్పదైనమనసు గలవాడు 

విశాలత్వమును గలిగినవాడు 

మనోభీష్టములు తెలియువాడు

ప్రాప్తిని గలిగించగల వాడు 

శ్రీ విష్ణు సహస్రనామాలు ఉమా!

558)భగవాన్ -

ఆరులక్షణములున్నట్టి వాడు 

సమగ్రభక్తినొసగువాడు 

మోక్షం ప్రసాదించుచున్నవాడు 

బుద్ధదేవుడు పూజ్యుడైనవాడు 

శ్రీ విష్ణు సహస్రనామాలు ఉమా!

559)భగహా-

ప్రళయం నందున్నట్టివాడు 

విభూతులుపోగొట్టుకొనువాడు 

వైరాగ్యం నిలుపుచున్నవాడు 

మాహత్వము చూపించువాడు 

శ్రీ విష్ణు సహస్రనామాలు ఉమా!

560)ఆనందీ -

ఆనందమునొసగునట్టివాడు 

ముదమును కలిగించువాడు 

సంతోషప్రదాయకుడైనవాడు 

జీవులకు ఆహ్లాదమొసగువాడు 

శ్రీవిష్ణు సహస్రనామాలు ఉమా!

(సశేషం )