శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

511)దాశార్వ-

దాశార్వ వంశజుడైనవాడు 

విష్ణుసేవకులను బ్రోచువాడు 

దాశార్హుడుగా నున్నట్టివాడు 

వెన్నుడుగా విలసితమైనవాడు 

శ్రీ విష్ణు సహస్రనామాలు ఉమా!

512)స్వాత్వతాంపతిః -

యదుకులముకు ప్రభువైనవాడు 

అనేకలీలలు చేయునట్టివాడు 

గోలోకముకు పతియైనవాడు 

సత్వగుణములను పాలించువాడు 

శ్రీ విష్ణు సహస్ర నామాలు ఉమా!

513)జీవః -

జీవుడు తానై యున్నట్టివాడు 

ప్రాణస్వరూపముగా నున్నవాడు 

పరమాత్మయై నడిపించేవాడు 

జీవితత్వము సంపూర్ణమైనవాడు 

శ్రీ విష్ణు సహస్రనామాలు ఉమా!

514)వినయతా సాక్షి-

భక్తులకు సాక్షిగా నుండేవాడు 

వినయమును ప్రోదిచేయువాడు 

గురుసాక్షిత్వముగలిగిన వాడు 

వినమ్రతను గలిగించువాడు 

శ్రీ విష్ణు సహస్ర నామాలు ఉమా!

515)ముకుంద-

ముక్తినొసగునట్టి వాడు 

ఎర్రతామరల వంటివాడు 

మణివిశేషమైయుండువాడు 

విష్ణువు అవతారమయినవాడు 

శ్రీ విష్ణు సహస్రనామాలు ఉమా!

(సశేషం )