భక్తి ముక్తి దాయకం;- -అద్దంకి లక్ష్మి -ముంబై

పల్లవి

రామచంద్ర రఘువీరా

 రామచంద్ర రణధీర

 రామచంద్ర జగన్నాధ

 రామచంద్ర పరంధామా

చరణం 1

 రామాయణము పూజనీయము

 రామ కథనము ఆచరణీయము

అయోధ్య రాముడు అవతార పురుషుడు  రఘుకుల సోముడు నీలమేఘ శ్యాముడు 

2 చరణం

పితృవాక్య పరిపాలనే ధ్యేయము

 సీతారాముల ఆదర్శ దాంపత్య జీవనము

   అన్నదమ్ముల ప్రేమను బంధము

 భారతీయ సంస్కృతికి మూలము

3 చ

భక్త శబరికి చిట్టి ఉడుతకు ముక్తి నొసగెను 

నమ్మిన హనుమంతుని అక్కున చేర్చెను

 అహల్యకు శాపవిమోచన మొసగెను

 విభీషణుని లంకాధిపతి గా చేశాను

4 చ

ధర్మము నాలుగు పాదాల నడిపించెను

 సకల సుఖశాంతుల రామరాజ్యము

రామ రామ యనుచు తారకమంత్రము

 జపించుటే జీవన ముక్తి ప్రదము