శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

536) మహాశృంగ-

ప్రళయంలో కాపాడుచుండువాడు 

సాగరమధ్యనావ 

గాచువాడు 

గొప్పశృంగముతో బంధించినవాడు

మహాశృంగయను నామధేయుడు 

శ్రీ విష్ణు సహస్రనామాలు ఉమా!

537)మహా వరాహః -

మహిమగల స్వామిగా నున్నట్టివాడు 

మహావరాహమూర్తి యైనవాడు 

ధరణిలో ఆశ్రితుల గాచువాడు

ఆదివరాహమై యున్నట్టివాడు 

538)కృతాoతకృత్-

మృత్యువుని ఖండించినవాడు 

యుగాంతమును ఆపగలవాడు 

భక్తులను దరిజేర్చునట్టివాడు 

యముని నొప్పించగలవాడు 

శ్రీ విష్ణు సహస్రనామాలు ఉమా!

539)గోవిందః -

గోవులకు ఆనందమిచ్చువాడు 

భూ ఆధారభూతమైనవాడు 

గోకుల సంచారి అయినవాడు 

గోవిందాయనిన బ్రోచువాడు 

శ్రీ విష్ణు సహస్రనామాలు ఉమా!

540)సుషేణః -

శోభనమగు సేనగలవాడు 

భక్తులకు సాంత్వననిచ్చువాడు 

ఆధ్యాత్మిక వైద్యము చేయువాడు 

సుషేణ నామధేయమున్నవాడు 

శ్రీవిష్ణు సహస్రనామాలు ఉమా!

(సశేషం )