దత్తపది ;-సాహితీ సింధు ,పద్యగుణవతి సరళగున్నాల

రేపు మాపు కాపు చూపు పదాలతో 

-----------------------------------------

కం*రేపటికింతని దాచుచు

మాపటివేళింతదినక మనుగడనెట్టుల్

కాపాడక దేహమ్మును

చూపగనే సాకులైన శుభమేలగురా

ఉ*రేపటి రోజునన్ కుడిచి శ్రేయమునందగ నుంటినంచు నీ

మాపున బోనమున్గొనక మైకముగ్రమ్మగశ్రాంతిలేకయున్

కాపుర మెట్టు సాగు నిక కంటికి మింటికియేకధాటిగా

చూపును పోవునట్లు పరిశోధనకై యుదకమ్ము గార్తువే

ఉ*రేపటి మాట వేరు ,సిరి లేకను జీవనయాన మందునన్

మాపటివేళలో నిదుర మాటున నించుక బాధదప్పినన్

కాపురమందు కష్టములు క్రమ్మిన నీడగ వెంటనుండగా

చూపున సంతసమ్ముగన చోద్యమె యౌగద బీదవానికిన్