శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

526) ఆనందః -

సంతోషస్వరూపమునున్నవాడు 

ఆనందదాయకుడైనట్టి వాడు 

ఆశ్రితులనానందింపజేయువాడు 

 శ్రీ విష్ణు సహస్రనామాలు ఉమా!

527)నందనః -

కుమారుడుగా కలిగినవాడు 

సంతోషం పంచుకున్నవాడు 

ఇంద్రవనములో నున్నవాడు 

నందనవన విహారియగువాడు 

శ్రీ విష్ణు సహస్ర నామాలు ఉమా!

528)నందః -

గోపాలకునిగా చరించువాడు 

కలిమిని ప్రసాదించుచున్నవాడు 

ఆహ్లాదము నిచ్చుచున్నవాడు 

నందుని ఇల్లు చేరినట్టి వాడు 

శ్రీ విష్ణు సహస్రనామాలు ఉమా!

529)సత్యధర్మా -

సత్యస్వరూపము అయినవాడు 

ధర్మమూర్తిగా నున్నట్టివాడు 

వేదోక్తవిధిని జరుపువాడు 

న్యాయమును ఎరిగినట్టివాడు 

శ్రీ విష్ణు సహస్రనామాలు ఉమా!

530) త్రివిక్రమః -

ముల్లోకాలను కొలిచినవాడు 

మూడడుగులతో నిండినవాడు 

వామనావతారముననున్నవాడు 

త్రివిక్రమనామముగలవాడు 

శ్రీవిష్ణు సహస్రనామాలు ఉమా!

(సశేషం )